पिंपरी-चिंचवड/ पुणे । प्रतिनिधी
श्रावण महिना हा भगवान शिवाच्या उपास्यतेसाठी अत्यंत पवित्र मानला जातो. या महिन्याचा पहिला सोमवार, विशेषतः श्रीक्षेत्र भीमाशंकर येथे, भक्तांसाठी अत्यंत महत्त्वपूर्ण असतो. यंदाही, प्रतिवर्षीप्रमाणे, श्री क्षेत्र भीमाशंकर महादेवच्या चरणी 10 हजारांहून अधिक भक्तगणांसाठी मोफत उपवास फराळ वाटप सेवा अर्पण करण्यात आली. भाजपा आमदार महेश लांडगे यांच्या उपक्रमाचे भाविकांकडून विशेष कौतूक केले जात आहे.
गेल्या अनेक वर्षांपासून आमदार महेश लांडगे यांच्या पुढाकाराने श्रावण महिन्यातील प्रत्येक सोमवारी भीमाशंकर मंदिर परिसरात ही सेवा निस्वार्थ भावनेतून अर्पण केली जाते. यामध्ये मंदिर परिसरातील सर्व भक्तांना पौष्टिक फराळ दिला जातो, जेणेकरून ते उपवास ठेवून साधकांना आध्यात्मिक उन्नती साधता येईल. या सेवेचा मुख्य उद्देश आहे, महादेव भक्त भाविकांचं प्रेमाने स्वागत करणे आणि त्यांच्या पोटभर फराळाची व्यवस्था करणे.
श्री. भीमाशंकर महादेवाच्या चरणी भक्तिपूर्ण अर्पण केलेली सेवा हा एक पवित्र कार्य आहे, ज्यामध्ये सर्व समर्पित कार्यकर्ते आणि स्वयंसेवक नियमितपणे काम करतात. या सेवेमागील एकच उद्देश आहे. महादेवभक्त भाविक येतो मोठ्या श्रद्धेने, त्यांचं स्वागत करतो प्रेमाने आणि पोटभर फराळाने! अशा भावना आमदार लांडगे यांनी व्यक्त केल्या आहेत.
******
भाविकांच्या श्रद्धेचा महिमा
या पवित्र ठिकाणी दरवर्षी लाखो भक्त श्रद्धेने येतात आणि भगवान शिवाच्या दर्शनाने त्यांच्या जीवनात आध्यात्मिक शांती प्राप्त करतात. यंदाच्या श्रावण महिन्यातील पहिल्या सोमवारी, श्रीक्षेत्र भीमाशंकर येथे दहा हजारांहून अधिक भक्तांची उपस्थिती होती. त्यांच्या श्रद्धेचा आणि भक्तिभावाचा अनुभव मंदिराच्या पवित्र वातावरणात विलीन होत होता. श्रीक्षेत्र भीमाशंकर केवळ एक धार्मिक स्थळ नसून, ते एक अत्यंत आध्यात्मिक स्थान आहे, जिथे प्रत्येक भक्ताच्या हृदयात आध्यात्मिक समाधान आणि आत्मिक शांती मिळविण्याची संधी आहे. याच्या पवित्रता आणि वातावरणामुळे मन, शरीर आणि आत्मा ताजेतवाने होतो. येथे प्रत्येक वेळी आल्यानंतर आध्यात्मिक सुखाचा अनुभव होतो.
प्रतिक्रिया :
श्रावण सोमवार निमित्त श्रीक्षेत्र भीमाशंकराच्या पवित्र चरणी एक प्रार्थना केली. पिंपरी-चिंचवडच्या नागरिकांसह संपूर्ण मानवजातीस सुख, शांती, आरोग्य आणि समृद्धी लाभो. सर्वांचे आयुष्य भक्तीमय आणि समाधानकारक होवो. श्रीक्षेत्र भीमाशंकर येथे येणारे प्रत्येक भक्त आणि सेवा कार्य करणारे स्वयंसेवक अत्यंत भक्तिपूर्ण आणि समर्पित असतात. प्रत्येक भक्ताच्या जीवनात भक्तिरस आणि आध्यात्मिक शांती येवो, ही महादेव चरणी प्रार्थना आहे. श्रीक्षेत्र भीमाशंकर देवस्थानच्या विकासासाठी मुख्यमंत्री देवेंद्र फडणवीस यांच्या नेतृत्त्वाखाली महायुती सरकारने 288 कोटी रुपयांच्या विकास आराखड्याला मंजुरी दिली आहे. भाजपा प्रदेशाध्यक्ष रवि चव्हाण यांच्या मार्गदर्शनाखाली आणि प्रशासनाच्या सहकार्याने आम्ही या ठिकाणी सर्व सोयी-सुविधा सक्षमपणे देण्याचा प्रयत्न करीत आहोत.
– महेश लांडगे, आमदार, भाजपा, पिंपरी-चिंचवड, पुणे.
